کابل (ویب ڈیسک)افغانستان نے الزام عائد کیا ہے کہ مشرقی صوبہ پکتیکا میں پاکستانی ہیلی کاپٹرز کی جانب سے طالبا ن کو اسلحے کی فراہمی کی اطلاعات کے بعد نیشنل سکیورٹی فورسز کو الرٹ کردیا گیا۔ افغان میڈیا کے مطابق وزارت دفاع کے نائب ترجمان دولت وزیری نے میڈیا سے گفتگو کرتے ہوئے کہاکہ پاکستانی ہیلی کاپٹرز صوبہ پکتیکا میں طالبا ن کیلئے اسلحہ گرا رہے ہیں۔ دولت وزیری کا کہنا تھا کہ افغان سکیورٹی فورسز کو پاکستانی ہیلی کاپٹرز کو طالبان کو اسلحہ فراہم کرنے سے روکنے کیلئے پوری طاقت استعمال کرنے کی ہدایت کی ہے۔ واضح رہے کہ حالیہ چند ہفتوں میں پاکستان اور افغانستان کے درمیان سرحدوں پر کشیدگی میں اضافہ ہوا ہے۔ چند روز قبل جنوبی وزیرستان کے علاقے انگوراڈا میں افغان فورسز کی فائرنگ سے دو پاکستانی فوجی زخمی ہوگئے تھے جس پر پاکستان نے افغان حکومت سے شدید احتجاج کیا تھا۔
No comments:
Post a Comment