کراچی کے میئر پر ’بھائی ‘کا نام لینے پر پابندی

اسلام آباد (نیوز ڈیسک)میں ایم کیو ایم کا میئر نہیں کراچی کا میئر ہوں۔ ان خیالات کااظہار کراچی کے میئر وسیم اختر نے میڈیا سے گفتگو کرتے ہوئے کیا۔ انہوں نے کہا کہ کراچی کا میئر ہونے کے ناطے سب سے مل کر اور کراچی کیلئے کام کریں گے ۔ اس نیوز کانفرنس کے دوران اس وقت عجیب صورتحال پیدا ہو گئی جب ایم کیو ایم کے رکن ارشد وہرہ گھبراہٹ کے عالم میں کسی سے ٹیلی فون پر بات کر رہے تھے اور کہہ رہے تھے کہ سر!میں روک رہا ہوں ‘ میں نے ہاتھ دبا کر رکھا ہوا ہے جس کے بعد میئر کراچی وسیم اختر کو بار بار کہہ رہے تھے کہ پلیز کراچی کی ترقی کے علاوہ کوئی بات نہیں کرنی ‘ گزشتہ روز والے موضوع پر بالکل نہیں جانا اور بھائی (الطاف حسین) کا نام بھی نہیں لینا۔